Сўровнома
  1. Сиз учун ахборот ошкорлиги учун қандай маълумотлар базаси зарур?
Ҳокимият янгиликлари

Ибрат олса арзийди

02.10.2019
Октябрь ойининг биринчи ҳафталиги "Кексалар ҳафталиги" деб эълон қилинди. Бундан руҳланган бир гуруҳ меҳнат фахрийлари ёшларга ибрат кўрсатиш мақсадида пахтазорга чиқишди. -Бу шижоатли отахонлар кўп йиллар ички ишлар тизимида меҳнат қилишган, -дейди вилоят ички ишлар бош бошқармаси фахрийлар кенгаши раиси Абдужабборо Юсупов. -Бўка туман ичик ишлар бўлими фахрийлар кенгаши раиси Абдурасул Акмалов ташаббусини барча фахрийлар қўллаб-қувватлашди. Белларига этак боғлаб, пахтазорга кириб кетишди. Тушлик яқинлашгач, "Олтиш" маҳалласидаги "Улуғбек Музаффар файз" фермер хўжалигининг раҳбари Бахтиёр Салимов тарозини кўтариб, келиб қолди. Кекса отахонлар оқ олтин тўла этакларини бирин-кетин тарозига қўйишди. Ким чаққон эканлиги хирмонда маълум бўлди. Олтиш маҳалла фуқаролар йиғини раиси Ўткир Мавлонов, туман ёшлар иттифоқи раиси Нурали Тошматов тушликкача илғор бўлганларни бирин-кетин ўз совғалари билан рағбатлантиришди. -Мен ҳам кўп йиллар туман ички ишлар бўлимида хизмат қилганман, -дейди "Улуғбек Музаффар файз" фермер хўжалигининг раҳбари Бахтиёр Салимов. -Ички ишлар фахрийларининг туманимиз улкан хирмонига ҳисса қўшиш ниятида келганлигидан қувониб кетдик. Улар хўжалигимиз аъзолари билан ёнма-ён туриб, кўтаринки кайфиятда пахта теримида иштирок этишди. Кекса отахонлар ибрат олса арзигулик ишни амалга оширишди. Уларга ҳамиша соғ-саломат бўлишликни тилаб қоламиз.


Манба: Бўка тумани ҳокимлиги ахборот хизмати.

  • 898