Бўка тумани ҳокимига “Кўкорол” маҳалла фуқаролар йиғинидаги Чуқурсой кўчасида яшовчи бир неча фуқаролардан келиб тушган мурожаатга асосан "Ўзсувтаъминот" АЖ туман бўлими томонидан маҳалланинг бир қисмига ичимлик суви олиб келиш мақсадида қувурларни ётқизиш учун чуқурликлар қазиш бошланди.

Чуқурсой кўчасининг чекка қисмида жойлашган 5 та хонадон узоқ вақт давомида ичимлик сувини ташиб келишга мажбур бўлган.

Айни пайтда қувурларни ётқизиш учун чуқур қазиш ишлари бошланган бўлиб, бугунги кунгача 200 метр масофада иш олиб борилди.